Kölsche Fooderkaat
vum Manolito

Et SOLEI

Eß et Solei met Verstand!
Pack et en de linke Hand!
Pöttel met dä rächte Floß
Stöck för Stöck de Schal loß!

Schnick et middens durch mem'm Metz,
Kratz erus et jäle Hätz!
Meng dodren met vill Jeföhl,
Essich, Pfeffer, Mostert, Öl!
Schmer dä lecker Dotterbrei,
widder en dat Ei!

Su, nun däu et en d'r Munk,
nemm dozo ne joode Drunk!
Merk d'r dat Rezep! Et schmeck,
dat mer sich de Finger leck!

Uns alt kölsche Fooderkaat
hät kein Minsch uns nohjemaaht!

zoröck

wigger